ရခိုင်အပြောသဒ္ဒါ (book cover & review)

(The Mog Nation Wiki, an archive)

မျက်မှောက်ခေတ် ရခိုင်သူ/ရခိုင်သားရို့လက်တွိအသုံးပြုသည့်အပြောစကားများကို ဘာသာဗဒသဒ္ဒါနည်းဖြင့် စနစ်တကျစိစစ်လေ့လာတင်ပြထားသည်

ရခိုင်စာ/စကားနှင့်သဒ္ဒါ

ရခိုင်မှာသဒ္ဒါကျမ်း ဟိယင့်လား-
တတိုင်သားက မျက်စိတမြင်ဖြင့်ပြောသည် (မဟိ)
တတိုင်သားကအံကြိတ်မျက်ရည်ဝဲလျက်ပြောသည်(နှစ်ပေါင်းထောင်ချီတည်တံ့လာရေလူမျိုး ရတုရကန် ဧအံ လင်္ကာတိနန့်လောကီလောကုတ္တရာ ကျမ်းကြီးကျမ်းခိုင်တိ ဖွံ့ဖြိုးခရေဝါ ဟိလီဖို့)

တတိုင်ကတော့(ငါ့မှာဟိရေ)လို့ပြောယင်း လောကကြီးကိုစွန့်ခွာလားခကတ်သည်

ဇာသို့ပင်ဆိုစီ အဂု ခေတ်သစ်ရခိုင်အပြောသဒ္ဒါကျမ်းတအုပ် စနစ်တကျထွက်ပေါ်လာလတ်ပြီ ပါရဂူဘွဲ့ယူကျမ်းကို သာမန်လူထုဖတ်နိုင်အောင် တဆိတ်ကေတည်းဖြတ်ထုတ်ဝီသည်ဟုသိရသည် ဟုတ်လောက်သည် ကျွန်တော့်ပိုင်ဘာသာဗေဒသုည တောင်မှဖတ်ရှုရကောင်းသည် နားလည်သဘောပေါက်သည် အပင်ပန်းခံပြုစုထားကြောင်းလည်းထင်ရှားသည် ဖတ်စခါတော့ ပညာရပ်ဝေါဟာရတချို့ကြောင့် အခက်အခဲတွိရသည် သုံးပုံတပုံလောက်ဖတ်မိသောအခါ နားလည်လားပါသည်

အခြီခံ ဆယ်တန်းသဒ္ဒါလောက်သင်ဖူးသူ ကျွန်တော်ကတော့ ဤစာအုပ်ပါ အယူအဆ အချက်အလက်တိကို မတို့မထိဝံ့ပါ ကိုယ့်ရခိုင်စာ/စကားကို အဆင့်မီတန်းမီ ဆန်းစစ်ထားသည်ကို ကျေးဇူးတင် ဝမ်းမြောက်မိရုံမျှသာဖြစ်ပါသည်

တဖဲ့ချေ ပြောခွင့်ပြုပါ
၁-(နှစ်ထပ်ပြုစနစ်)ဂေါင်းစဉ်အောက်တွင်(ကောင်းကောင်းလှ တည့်တည့်ကြည့် စောစောပြန် တူတူလား)စသည်ဖြင့် စကားလုံး ၂၄ လုံးဖော်ပြထားသည်ကိုကျေးဇူးတင်ရပါသည်
ယင်းစနစ်ကိုမသိသောလူငယ်တိက fbထက်တွင်(ကဂေါင်း တဒဲ့ စဇော တဒူ) စသည်ဖြင့်ရွီးနီကတ်စွာတိ အမှန်ကိုသိလားကတ်ပါလိမ့်မည်(ဖတ်မိဖို့လည်းလိုပါသိ၏)
၂-(အလျင်လုပ် ခြားပစ်လိုက်)ဟုသုံးထားပါသည် (အယင် ပလိုက်)ဟုသုံးနီကတ်သူများ သတိထားဖို့ဖြစ်ပါသည်
၃-စာ ၂၈ တွင်(ယင်းတိုင်သျှင်/တိုင်သျှင်မ)ဟုသုံထားသော်လည်း(မောင်ရှင် စာမေးပွဲရှူ မောင်ကြီးရှင် ဆုံးရှူံး)ရို့တွင်(ရ)ဖြင့်ရွီးထားသည်ကိုသဘောမကျပါ
၄-(စိုင်းစား ပျိုင်)ရို့တွင်လည်း(စဉ်းစား ပျဉ်)ရာဖြစ်သင့်ပါသည်
၅-အ(ချိုက်)ဟုသုံးထားသည်ကို လုံးဝကန့်ကွက်ပါသည် တတိုင်သားက(သျှို ုက်သူ)ဟုတောင်ပျင်နီကတ်ပါသည် ဆရာမအနှုန်းဆိုလျှင်(စိုက်တွေမြို့)ရောဂါပြန်ပေါ်လာနိုင်ပါသည်
၆-cliche တိဖြစ်သော (ဂါတ်= ရဲစခန်း ပုလိပ်=ရဲသား ဂါရီ=ကား ) ရို့ကိုမဖော်ပြသင့်တော့ပါ
၇-(ထိုးကန်း/ဖောက်ဆတ်/တောက်ဆတ်)ရို့ကို(ထိုး+ကန်း/ဖောက်+ဆတ်/တောက်+ဆတ်)ဟူ၍(ကြိ+ကြိ)အဖြစ်ဖော်ပြချက်ကိုလက်မခံချင်ပါ ဝေါဟာရတလုံးစီရာဖြစ်ပါမည်
၇-(ညွှန်းခေါ်စကား)ဂေါင်းစဉ်အောက်တွင် မြောက်ဦးမြို့ သရီချောင်းတရိုးမှ(မန်းမန်/မန်းကြီး)ရို့ကိုလည်းဖော်ပြသင့်ပါသည် သူရို့က မိမိကိုယ်ကို ရမ်းဗြဲသားဟုပြောပါသည်
၈-(ပြီးစလွယ်/ပလုပ်ပလောင်း/ဗလုံးဗထွီး/တော်ရိရော်ရိ)ရို့သည်ရခိုင်စကားဟုတ်မည်မထင်ပါ
(အရာတဆိတ်ကေကျန်ပါသိသည်)

written by: Naung Aye