စုံစမ်းရေးကော်မရှင်နှင့်ရင်ဆိုင်ခြင်း (အပိုင်း – ၆ / နိဂုံးပိုင်း)

(The Mog Nation Wiki, an archive)

_{3-6-2012;အခင်းဖြစ်ရာသံတွဲသွားကားလမ်းခွဆုံ။}

အပိုင်း(5)တွင်ဒေသတစ်ခု၏ဖွံဖြိုးတိုးတက်
မှုအထူးကြီးမားစွာလိုအပ်ကြောင်းကိုမိမိနှင့်တွေ့
ဆုံကြသည့်ကော်မရှင်ပါပုဂ္ဂိုလ်များသို့ပြောခဲ့သည်။
အဓိကဦးဆောင်မေးမြန်းသူက သမတ၏အကြံ
ပေးအဖွဲ့ဝင်ဖြစ်၍သမတသို့တင်ပြပေးနိုင်သည်။၎င်း၏မေးခွန်းများကိုဖြေပေးနိုင်မလားဟုမေးရာ
မိမိကလက်ခံသဖြင့်ဖုန်းဖြင့်အသံဖမ်းကြ၏။
(ပြောစဉ်ကအတိုင်းစကားလုံးထပ်တူမကျနိုင်)
Dr.ဆလိုင်း=ခင်ဗျားတို့မြို့နယ်တွင်းကအစိုး
ရဌာနတွေထဲမှာစိတ်တိုင်းကျအဆင်ပြေဆုံးတစ်ခု
ပြောပေးပါ။
မိမိ=တစ်ခုမျှမရှိ။(သူကဥပမာတစ်ခုပြောပါ
ဟုဆိုချိန်တွင်ပြင်ဖက်၌မိုးအနည်းငယ်ရွာနေ၏)
မိမိ=ယ္ခုပြင်မှာမိုးအနည်းငယ်ရွာနေတယ်။
ဒိထက်မိုးပိုရွာတာနဲ့ရပ်ကွက်တွေရေမြုတ်တယ်။
ကျနော်တို့အငယ်တုန်းက အင်္ဂလိပ်စတည်ဆောံ
ခဲ့တဲ့လူတစ်ရပ်လောက်နက်တဲ့ရေနုတ်မြောင်းကြီး
တွေချောင်းထဲဖေါက်ချထားတာမီလိုက်တယ်။မြို့
ပေါ်ရေမတင်ဘူး။လမ်းနဲ့ရေမြောင်းစနစ်ကျ။
Dr.ဆလိုင်း=လမ်းပန်းဆက်သွယ်ရေး။
မိမိ=ခင်ဗျားတို့အခု ရဟတ်ယာဉ်နဲ့အပေါ်
စီးကကြည့်ပြီး ရခိုင်ပြည်နယ်အနှံ့လာခဲ့ကြတော့
ဒီဒေသတစ်ခုလုံးရဲ့လမ်းပန်းဆက်သွယ်ရေးကို
မြင်မှာပေါ့။အဓိကကားလမ်းအခြေအနေကျောက်
ကြမ်းလမ်းအဆင့်ဘဲ။ဥပမာတစ်ခု မြို့မြောက်
ဖက်မီးချောင်းထိုးရွာကို 3မိုင်လောက်ဝေးတယ်။
ကုန်ခဲ့တဲ့10 နှစ်လောက်ကကတ္တရာစခင်းတယ်။
(2013 ခုနှစ်မတိုင်မီ10 နှစ်ခန့်ကိုဆိုလို)
တစ်နှစ်ကို 3 မိုင်စီတိုးခင်းသွားမယ်လို့ကြားလို့
ဝမ်းသာနေ။အခုဆယ်နှစ်သာကြာသွားတယ်
ခင်းပြီးသားလမ်းကိုဖါယင်းထေးယင်းနဲ့ဖါလမ်း
အဆင့်ဘဲရှိတုန်း။ရိုးမကိုကျော်တဲ့ရိုးမတောင်ကြား
ကားလမ်းလဲမြင်တဲ့အတိုင်းဘဲ။တစ်ခါမှပီပီပြင်
ကောင်းမလာဘူး။
Dr.ဆလိုင်း=လျှပ်စစ်မီးကော။
မိမိ=စပါးခွံလောင်စာသုံးဖွဲမီးစက်က24နာရီ
ရပါတယ်။ဒါပေမဲ့ရိုးတောင်တစ်ဖက်ကမြို့တွေမှာ
တစ်ယူနစ်35ကျပ်နှုန်းနဲ့သုံးနေတာကြာပြီ ဒီမှာ
450နှုန်း။မီတာစောင့်ထိန်းခ1000ကျပ်။မြင်
တဲ့အတိုင်းမြို့တွင်းကပ်တည်ထားတော့အနီးဝန်း
ကျင်ကအိမ်တွေ ဖြတ်သွားဖြတ်လာတွေအားလုံး
ရောဂါရမဲ့ဓါတ်ငွေ့တွေကိုနေတိုင်းရှုရှိုက်နေရ။
စက်ရုံကထွက်တဲ့အဆီတွေကမိုးရေနဲ့စီးမြောလို့
ရေတွင်းတွေထဲရောက်။လူတွေရဲ့ညီးညူသံနေ့
တိုင်းကြားနေရ။
Dr.ဆလိုင်း=ပညာရေးကော။
မိမိ=မြို့ပေါ်ကျောင်းတွေက ဆရာ ကျောင်း
သား စာသင်ခန်း အချိုးကျရှိမနေ။နယ်ကျောင်း
သားတွေက ဆင်းရဲတဲ့အစရှိအကြောင်းအမျိုး
မျိုးကြောင့်မူလတန်း အလယ်တန်းလောက်နဲ့အ
တန်းဆုံးပြီးစာသင်ရပ်သွားကြ။
Dr.ဆလိုင်း=သစ်တောကော။
မိမိ=သစ်တောပြုန်းတီးမှုကအဆမတန်ကြီး။
အရင်ကမြို့ပြင်ထွက်လိုက်တာနဲ့သစ်တော ဝါး
တောကြီးတွေနေရာတိုင်းမှာ။သစ်စက်တွေမှာပျဉ်း
ကတိုးသစ်ချည်းစက်ထိုးကြ။သစ်ဖြူသားကိုထင်း
တောင်မဆိုက်ကြဘူး1970 ပြည့်လွန်နှစ်များ
လောက်က ပျဉ်းခွဲသားတစ်တန်ကို650 ကျပ်
လောက်နဲ့ပေါပေါများများရနိုင်ခဲ့။အဂု6-သိန်းခွဲ
နဲ့ရှားရှားပါးပါး။ဒါတောင်သစ်ကောင်းမရ။
(2013-ခုနှစ်ကော်မရှင်နှင့်တွေဆုံစဉ်က။)
Dr.ဆလိုင်း=စက်မှုလုပ်ငန်းကော။
မိမိ=လူအများစု အလုပ်အကိုင်အခွင့်လမ်း
ရနိုင်တဲ့စက်ရုံမျိုးတွေမရှိ။ရိုးတောင်ကိုကျော်တာ
နဲ့ ကပစ ကစလ အစရှိတဲ့စက်မှုလုပ်ငန်းတွေ။
ဒါနဲ့ဆက်စပ်လို့ လျှပ်စစ်မီး လမ်းပန်းဆက်သွယ်
ရေးစတါတွေ တရိပ်ရိပ်တိုးတက်နေ။ဧရာဝတီ
မြစ်အနောက်ကမ်း လမ်းတစ်လမ်းလို လို့ဆိုတာ
နဲ့ပုသိမ်မုံရွာလမ်းမကြီးဘွားကနဲပေါ်လာခဲ့။
ရခိုင်ဒေသကအလုပ်လက်မဲ့တွေပညာတတ်ရော
မတတ်ရောအဲဒီဖက်ရရာအလုပ်လုပ်ဖို့သွားရ။
နေပူတောင်မာဘဲလ်ကျောက်တောင်ကြီးတစ်
တောင်ရှိတာလဲကုန်းကြမ်းရောင်းစားဖို့ပြင်လို့
ကြားရ။(ကျန်ပြောစကားအားလုံးမမှတ်မိတော့။)

~ တွေ့ဆုံပြောဆိုမှုကရသည့်အကျိုးရလာဒ်များ ~

(က)2012-ခုကတောင်ကုတ် သံတွဲလမ်းဆုံ၌
ဖြစ်ပွားခဲ့သည့် ပြဿနာဇစ်မြစ် “မီး”ကိုမည်သူ
တွေစရှို့၍ဖြစ်ပွားကြောင်းသိစေခြင်း။
(ခ)ကုန်လွန်ခဲ့သောနှစ်များကမွတ်စလင်ကုလား
များကိုတောင်ကုတ်ဒေသခံများကဆန့်ကျင်သည့်
့ဖြစ်ရပ် ဇစ်မြစ်နှစ်(2)ခုကိုသိရှိစေခြင်း။
(ဂ)ရခိုင်ဒေသတစ်ခုလုံးအပါဝင်တောင်ကုတ်မြို့
နယ်၏ဖွံဖြိုးတိုးတက်မှု အလွန်အမင်းအားနည်းမှု
ကိုသိစေခြင်း။

~ သမတအကြံပေးမှတစ်ဆင့်တင်ပြခြင်းအကျိုး ~

(က)နောက်နှစ်များမကြာမီအတွင်းရခိုင်တောင်
မြောက်ဆက်သွယ်ရေးကားလမ်းတိုးတက်လာ
သကဲ့သို့မိမိတို့မြို့နယ်ဝန်းကျင်ရှိကားလမ်းများ
(တောင်ကုတ်ရိုးမလမ်းမှအပ)ပိုမိုကောင်းမွန်
လာသည်။စံချိန်မမီ၍နှစ်စဉ်ပြုပြင်ရမှုရှိဆဲ။
(ခ)စာသင်ကျောင်းအဆောက်အဦးတိုးများလာ
သကဲ့သို့ဆရာများလည်းပိုမိုများလာ။
(ဂ)မြို့ပေါ်ရှိစပါးခွံလောင်စာသုံးဖွဲမီးစက်ကြီး
အစားဒီဇယ်ဆီလောင်စာသုံးမီးစက်ကြီးအစား
ထိုးကာ မီတာခနှုန်းထားများကိုလည်းညှိယူခဲ့။
(ဃ)စည်ပင်ရုံးအနီးရှိ ဦးဥတ္တမလမ်းမကြီးနှင့်
အမ်းလမ်းဆုံအရှေ့ဖက်ခြမ်းမှဥက္ကာလမ်းထိ
အကျယ်နှစ်တောင့်ထွာ အနက်သုံးတောင့်တစ်
ထွာခန့် ကွန်ကရစ်ရေမြောင်းကြီးတစ်မြောင်း
တည်ဆောက်ခဲ့သည်။သို့သော်ချောင်းမကြီးသို့
တိုက်ရိုက်တည့်တည့်မဆင်းဘဲတစ်ဆစ်ချိုး
ခံနေခြင်းကလိုအပ်ချက်ဖြစ်သည်။(ယ္ခုထိုရေ
မြောင်းကြီး ချောင်းရေတက်စဉ်ကနုန်းဖို့ထား
သဖြင့်တိမ်ကောကာမတူးဖေါ်ဘဲလေးနှစ်ခန့်
ရှိပြီ။မိုးရေလည်းမဆင်းတော့။အလဟဿဖြစ်
နေရသည်မှာအထူးစိတ်မသက်သာဖွယ်ပင်။။)