စစ်တကောင်းနွယ်များ နဲ့ DNA ဆရာ

(The Mog Nation Wiki, an archive)

(ဤစာစု၏ မူရင်းနဂို ခေါင်းစဉ်မှာ “ရိုဟင်ဂျာ နဲ့ DNA ဆရာ” ဖြစ်ပါသည်။)

ရိုဟင်ဂျာ နဲ့ DNA ဆရာ

Razib Khan က DNA သုံးပြီး မျိုးရိုး ရှာတဲ့ Genetic Ancestry သုတေသန တွေနဲ့ တခြား history, anthropology, archaeology, linguistics တို့က မှတ်တမ်းတွေနဲ့ တိုက်ပြီး လူမျိုးတွေ ဘယ်လို ဆင်းသက် ပေါက်ဖွားလာတယ် ဆိုတဲ့ သမိုင်း ကို သုတေသန လုပ်နေတဲ့ ပညာရှင် ဖြစ်ပါတယ်။

http://razib.com/razib/

သူ့ဆီကိုလည်း ရိုဟင်ဂျာ တွေက ဘင်္ဂလား နဲ့ မတူကြောင်း ၊ မြန်မာပြည်မှာ သူတို့ နေလာတာ နှစ် ၉၀၀ ရှိပြီ ဖြစ်ကြောင်း ၊ အဲဒီ ဒေသမှာ ရခိုင်တွေ ထက် အရင်နေလာတာ ဖြစ်ကြောင်း သက်သေ ကူပြပေးဖို့ အကူအညီ တောင်းခဲ့ ကြပါတယ်။ ဖြစ်ချင်တော့ Razib ကိုယ်တိုင်ကလည်း Bengladesh နိုင်ငံ စစ်တကောင်း နားက Comilla မြို့ ဇာတိ ဖြစ်ပါတယ်။ ဒါပေမယ့် သူက ပညာကိုပဲ သစ္စာရှိတဲ့ ပညာရှင် တယောက် ဖြစ်ပါတယ်။

ရိုဟင်ဂျာ နဲ ပတ်သတ်ပြီး သူပြောပြတာက တော့ ဒီလူတွေ နေလာတာ နှစ် ၉၀၀ မရှိပါဘူး၊ အများဆုံး နှစ် ၁၀၀ လောက်တော့ ရှိပါပြီ။ အင်္ဂလိပ် ခေတ် 1871, 1901, 1911 နှစ်တွေက အလုံးအရင်း နဲ့ ဝင်ထားတဲ့ မှတ်တမ်းတွေ ရှိပါတယ်။ ဒါပေမယ့် မြောက်ဦး ခေတ် ကတည်းက ရခိုင် မှာ ကိုယ့်ကိုကိုယ် ရိုဟင်ဂျာ လို့ ခေါ်တဲ့ ကုလား တွေ ရှိခဲ့ ကြောင်း မှတ်တမ်းတွေ ရှိတယ်။ အင်္ဂလိပ်ခေတ်မှ ဝင်တဲ့ လူတွေက အရင် မြောက်ဦးခေတ်က လူမျိုးနံမည်ဟောင်း ကို အခုခေတ်မှာ ယူသုံး ဖို့ ကြိုးစားတာလို့ သူ ယူဆပါတယ်။ ဘာနဲ့ အလားတူသလဲ ဆိုတော့ ၁၉ နဲ့ ၂၀ ရာစု ကမှ တရုတ်ပြည် နဲ့ ရုရှား ကို ဝင်ရောက်လာတဲ့ Turks နဲ့ Irianians တွေက ရှေးက ရှိခဲ့ဘူးတဲ့ Uyghurs နဲ့ Uzbeks လူမျိုးဟောင်း နံမည် တွေကို ခံယူလိုက်တာနဲ့ ဆင်တယ် လို့ သူထင်ပါတယ်။

ရိုဟင်ဂျာ တွေ ဘက်က တင်ပြတဲ့ သူတို့က ရှေး Arab တွေ က ဆင်းသက်လာတယ် ဆိုတာ မဖြစ်နိုင်ဘူး။ အဲဒီ ရှေးအာရပ် တွေနဲ့ တွေ့ထိပြီး စတင် ပေါက်ဖွားလာတဲ့ Kerala က မူဆလင်တွေက သူတို့ ဘိုးဘွား Arab တွေအတိုင်း Shafi school of shariah ကို လိုက်နာကြပြီး ရိုဟင်ဂျာတွေကတော့ Hanafi school of shariah ကို လိုက်နာသူတွေ ဖြစ်လို့ လို့ ဆိုပါတယ်။

https://en.wikipedia.org/wiki/Islamic_schools_and_branches

ဒါပေမယ့် ရိုဟင်ဂျာ တွေက သူတို့ ဘင်္ဂါလီ မဟုတ်ဘူးလို့ ပြောတာကတော့ မှန်ပါတယ်တဲ့။ သူတို့ရဲ့ ဘိုးဘေးတွေက East Pakistan မှာလည်း မနေဖူးဘူး ၊ နောက် Bengladesh ဖြစ်လာတော့ လည်း အဲဒီ နိုင်ငံမှာ မနေဖူး ကြဘူး။ ဘင်္ဂါလီ ယဉ်ကျေးမှု ခေတ်ကိုလည်း သူတို့ မမှီလိုက်ဘူး။ သူတို့ က အဲဒီ ခေတ်ကတည်း က ရခိုင် ကို ရောက်နေကြပြီ လို့ ဆိုပါတယ်။ သူတို့ကို ဘင်္ဂါလီ လို့ ပြောရင် မမှန်ဘူး၊ စစ်တကောင်း သားလို့ ပြောမှ မှန်ပါတယ် တဲ့ ။
တောင်အာရှ ရဲ့ နောက်ခံ သမိုင်းကြောင်း ကို မမှတ်မိရင် အောက်က မှတ်စုလေးမှာ ပြန်ဖတ်လို့ ရပါတယ်။

( ~ “အိန္ဒိယ၊ ဘင်္ဂလာ၊ ရခိုင် – နောက်ခံ background” ~ )

ဒီတော့ ဘင်္ဂါလီ ဆိုတာ ဘာလဲ ပြန်ကြည့်ရအောင်။
အခုခေတ်ဘင်္ဂါလီ စကား ဆိုတာ Bengal ဒေသ အလယ် နဲ့ အနောက်ပိုင်း က Nadia ဒေသ သုံး ဘာသာစကား ကနေ ၁၉ နဲ့ ၂၀ ရာစုမှာ တနယ်လုံးကို ပြန့်ပွားလာတဲ့ ဘာသာစကား ဖြစ်ပါတယ်။ ( ဥပမာ modern italian ဆိုတာ နကိုယ်က Florence ဒေသသုံး စကား ကနေ တနိုင်ငံလုံး သုံး အဖြစ် ပြန့်ပွားလာတာ ဖြစ်တယ် )။ ဒါပေမယ့် မဂိုလ် ဘုရင်တွေ ခေတ် မှာ မူဆလင်တွေက urdu ကို ပဲ အသုံးများကြတယ်။ နောက် West Pakistan က ဘင်္ဂလား ဒေသမှာ urdu ကိုပဲ သုံးဖို့ ဖိအားပေးလာ ကြတယ်။ အဲဒီ ခေတ်မှာ Bengal နယ်သား hindu တွေက ဘင်္ဂလီ စကား၊ ယာဉ်ကျေးမှု ကို ပြန်လည် ဖေါ်ထုတ်လာကြတယ်။ ( မြန်မာပြည်မှာ တို့ဗမာ အစည်းအရုံးက ဗမာ့ စကား၊ ဗမာ ယဉ်ကျေးမှု ကို ပြန်လည် ဖေါ်ထုတ် တာနဲ့ တူမယ် ) ။ စာဆို တဂိုး က အဲဒီ Bengali renaissance ခေတ်မှာ ထင်ရှားလာသူ ဖြစ်တယ်။

https://en.wikipedia.org/wiki/Bengali_renaissance

အဲဒီ စာပေ ယဉ်ကျေးမှု တော်လှန်ရေး ကို အံတု နိုင်ခဲ့သူတွေက တော့ စာမတတ် တဲ့ စစ်တကောင်း သား တွေ လို့ ဆိုပါတယ်။ သူတို့က ပြောနေကျ သူတို့ ဒေသိယ စကား dialect ကိုပဲ ဆက်သုံး နေခဲ့ ကြပါတယ်။ Bengal အရှေ့မြောက် က Sylhet နဲ့ အရှေ့တောင် က Chittagong သား တွေက သူတို့ dialect ကိုပဲ ဆက်ပြောကြပါတယ်။
https://en.wikipedia.org/wiki/Bengali_dialects
ရိုဟင်ဂျာ တွေက အဲဒီ Bengal အရှေုတောင် သားတွေနဲ့ ရုပ်ချင်းလည်း ခွဲမရ ၊ ဘာသာ စကားချင်းလည်း အတူတူ ဆိုတော့ နကိုယ် စစ်တကောင်း သားတွေသာဖြစ်မယ်။ မဟုတ်ဘူး အတင်း ငြင်းရင်တော့ သိပ်တူတာပဲနော် လို့ ပဲ ပြောတော့မယ်တဲ့။

If the Rohingya are not Bengali, they are something very close.

( အခု ရိုဟင်ဂျာ ဘာသာ စကား ကို ( အကြံအဖန် လုပ်ပြီး ?? ) Bengali နဲ့ မတူတဲ့ သီးသန့် ဘာသာစကား အဖြစ် သတ်မှတ်လိုက်တော့ စစ်တကောင်း သား ပညာရှင်တွေက ဒေါသ ထွက်ကြတယ်။ ငါတို့ စကား နဲ့ ရိုဟင်ဂျာ စကား အတူတူပဲ။ သူတို့ ကို သီးသန့် ဘာသာစကား လို့ သတ်မှတ်ပေးရင် ငါတို့ စကား ကိုလည်း သီးသန့် ဘာသာစကား အဖြစ် သတ်မှတ် ပေးရမည် လို့ တောင်းဆို လာကြတယ် )။

https://www.banglajol.info/index.php/IIUCS/article/view/30580/20522

ရိုဟင်ဂျာ ပြဿနာ ဘာလို့ ဖြစ်ရတာလည်း ဆိုတာကိုတော့ Razib က

၁. သူတို့က လူမျိုးခြား ဖြစ်တယ်။

၂. အဓိက ဗုဒွဘာသာ နဲ့ ဘာသာခြား ဖြစ်တယ်။ မြန်မာပြည်က ဟိန္ဒူတွေ သိပ်မခံ ရပေမယ့် ခရစ်ယန် တွေ တောင် အဲဒီ ဒဏ်ကို နည်းနည်း ခံရတယ်။

၃. သူတို့ကို ခိုးဝင်တွေ migrant တွေလို့ မြင်ကြတယ်။

၄. ဒါပေမယ့် ရခိုင် မှာတင် ဒေသခံ ( ကမန် ) ဆိုပြီး လက်ခံ ထားတဲ့ တခြား မူဆလင် တွေတောင် ရှိတယ်။ အဓိက ပြဿနာ ကတော့ ရိုဟင်ဂျာ တွေက လူဦးရေ များလွန်းပြီး အနားက ဒေသခံ တွေ ကြောက်လောက်အောင် တစုတစည်း တည်း တနေရာတည်း စုနေ လို့ ဖြစ်တယ်လို့ သူထင်ပါတယ်။

အမှန်ကို ပြောမှ ရမယ်။ အခု ဘေးလူတွေက ရိုဟင်ဂျာ ဇာတ်လမ်း လိမ် False Narrative ကြီးကို အတင်း ပြောနေရင် ဒေသခံ ရခိုင်တွေ မခံနိုင်ဘူး၊ အေးဆေး ငြိမ်းချမ်းမှု moderation and peace ဘယ်တော့မှ ရနိုင်မှာ မဟုတ်ဘူး လို့ သူမြင်ပါတယ်။

ဒေါ်စု ကို တော့ အရင်က သူတော်စင် ှSaint ကြီးလို့ ပြောကြတယ်။ အဲဒီ တုန်းကလည်း ငါမယုံဘူး။ အခုတော့ သူ့ကို မိစ္ဆာမ Monster ကြီး လို့ ပြောကြပြန်တယ်။ အဲဒါ လည်း ငါမယုံဘူး။ သူ နိုင်ငံအတွက် လုပ်စရာ ကို အကောင်းဆုံး ဖြစ်အောင် လက်တွေ့ကျကျ လုပ်ဖို့ ကြိုးစားနေတယ် လို့ပဲ သူမြင်ပါတယ်တဲ့ ။

https://www.gnxp.com/WordPress/2017/09/03/rohingya-unmasking-complexity-in-a-world-we-want-simple/

https://www.gnxp.com/WordPress/2017/09/06/burma-can-thank-the-british-for-its-current-mess/

~ Myo Than